Nöis

---

04.04.2005

Chond chli spot, aber mir wetted de Spycher no offiziell für Gschlosse erkläre.
Momentan ischer fascht läär; mir halteds euch aber offe de Spycher
für bestimmti Aläss weder z'öffne.

Danke ah alli wo cho sind und zu dere super Zyt biträid händ.
Merci !

Liebe Gruess vode Spycher Crew

---

02.08.2004

Danke ah alli wo cho sind! Super Sach gse...
D'Föteli sind au online. Sind chli andersch dargstellt als schöscht,
also ned verschrecke :)

Gruss und schöni Ferie (dene wo no Ferie händ)
1. August OK

---

28.07.2004

Hoi Zäme.. No es paar Infos Zämegfasst:

Wo?
Chömed eifach zuerst male zu eus hindere. Leider heds ned so gueti Karte ome,
deshalb gits donde en Online Karte, wo d'Ifahrtsstross zu eus zeigt.
Dete eifach grad us und scho sinder bi eus.

Bi Schönem Wätter isches am gliche Ort ufem Fäld wie letzt Jahr
(Wägwiiser vo eusem Huus bis dete äne vorhande).
Wenns Rägnet wirds ide Schüür inee sie, wommer im Andi & Dänu ihre 18ti gfiiret gha händ.

Wann?
Wie scho gseid fots um 20:00 Uhr ah, je nachdem ufem Fäld oder ide Schüür

Wazzup?
De Häfi hed am 31. Juli 2004 Geburi. Mir händ eus abgsproche und gseid:
"Da düememr doch au no grad fiire".. Also daher gits grad zwee Gründ zur Freud

!! Wichtig !!
Damit mir und ihr es geilsch Fäscht chönt ha, müender eifach es paar Sache ihalte,
den mir wend kei Problem mit Nochbere oder Gsetzeshüeter:

:: Alli wo Fahred - Fahred aständig (ned Rase oder Bsoffe omefahre)
:: Kei Striit mit de Lüüt am Fäscht sälber, schüscht chönd die Persone grad abfahre
:: Hin- und Zrügwäg: Kei Krach oder söschtigi Sache wäge de Nochbere

Mir wäred huere froh wener euch dra halte würdet!

Beste Dank und bis deene

1. August OK

---

17.07.2004

Hoffe mer gsed sich! Witeri Infos folged! Gruess

---